Komisioni i Pavarur i Kualifikimit ka konfirmuar në detyrë gjyqtaren e Gjykatës së Apelit në Shkodër, Vojsava Osmanaj. Ajo u vlerësua pozitivisht për të tre kriteret përfshirë pasurinë, pastërtinë e figurës dhe profesionalizmin.
Ndërkohë këtë të premte është përballur me Komisionin e Pavarur të Kualifikimit ne një seancë dëgjimore edhe gjyqtari i Apelit të Tiranës, Artur Gaxha.
Sipas komisionerëve, Gaxha nuk rezulton të ketë probleme me pasurinë.
Artur Gaxha e ka filluar karrierën në sistemin e drejtësisë në vitin 1995 në Gjykatën e Tiranës, ndërsa në vitin 2016 u emërua gjyqtar i Gjykatës së Apelit Tiranë.