Me një mesazh të qartë se rendi ndërkombëtar po hyn në një fazë të re dhe të pasigurt, u hap Konferenca e Sigurisë në Mynih për vitin 2026, duke mbledhur rreth 50 liderë dhe zyrtarë të lartë nga e gjithë bota.
Në qendër të diskutimeve janë lufta në Ukrainë, e ardhmja e NATO-s, arsenalet bërthamore dhe qëndrueshmëria e marrëdhënies transatlantike, në një periudhë kur angazhimet e Shteteve të Bashkuara ndaj Aleancës po vihen hapur në pikëpyetje.
Sekretari amerikan i Shtetit, Marco Rubio deklaroi: “Bota po ndryshon shumë shpejt para syve tanë”.
.@SecRubio: “The world is changing very fast right in front of us. The old world is gone … We live in a new era in geopolitics, and it’s going to require all of us to sort of re-examine what that looks like and what our role is going to be.” pic.twitter.com/wgPrl2xJZC
— Department of State (@StateDept) February 13, 2026
Ai shtoi: “Po jetojmë në një epokë të re në gjeopolitikë dhe kjo do të kërkojë nga të gjithë ne të rishqyrtojmë çfarë do të thotë kjo dhe cili do të jetë roli ynë”.
Deklarata e tij vjen një vit pas fjalimit të zëvendëspresidentit amerikan JD Vance në të njëjtën konferencë, kur ai kishte sulmuar drejtpërdrejt Evropën, përfshirë Mbretërinë e Bashkuar, për politikat e saj mbi lirinë e shprehjes dhe emigracionin. Ndërhyrja e atëhershme kishte shkaktuar një vit tensionesh të forta dhe të paprecedenta transatlantike.
Klima është rënduar edhe më shumë muajt e fundit nga deklaratat e përsëritura të presidentit amerikan Donald Trump se Groenlanda është “jetike” për sigurinë kombëtare amerikane, duke pretenduar se është “e mbuluar nga anije ruse dhe kineze”. Këto komente, të shoqëruara me kërcënime për një “marrje nën kontroll” të territorit gjysmë-autonom danez, janë parë nga shumë liderë evropianë si një pikë kthese që dëmton besimin ndaj aleatit kryesor të tyre.
Kryeministrja e Danimarkës, Mette Frederiksen, deklaroi se planifikon të takohet me Rubion për të diskutuar qëndrimet amerikane mbi Groenlandën.
