Komisioni Hetimor miraton unanimisht raportin për shkarkimin e Metës

Komisioni Hetimor miratoi unanimisht raportin përfundimtar për shkarkimin e presidentit Ilir Meta, i cili do t’i shkojë më pas Parlamentit për votim.

Data se kur do të votohet ky raport në Kuvend do të vendoset ditën e hënë në Konferencën e Kryetarëve.

Kryetari i Komisionit, Alket Hyseni deklaroi se sjellja e presidenti duhet të jetë në unitet dhe ekuilbrues në jetën politike të vendit. Ai tha se Meta bëri fushatë elektorale kundër partisë në pushtet.

Nga ana tjetër, Presidenca ka reaguar përmes zëdhënësit, Tedi Blushi, duke refuzuar të komentojë çdo vendim apo veprimtari antikushtetuese dhe antiligjore të Kuvendit njëpartiak, siç e quan ai.