Ish-deputetja e Partisë Demokratike, Jorida Tabaku e cilëson një mashtrim “Planin Kombëtar të Rimëkëmbjes Ekonomike”.
Krahas një videoje të publikuar në “Facebook” me deklaratat e kreut të qeverisë për shpalljen e Planit Kombëtar të Rimëkëmbjes, Tabaku shkruan se është e frikshme se si një Kryeministër “shpik” një program të tillë vetëm për ta instrumentalizuar si gënjeshtrën e radhës.
“Kolona e gënjeshtrave dhe mashtrimeve vijon! E frikshme se si një kryeministër shpik një program dhe e pagëzon si “Plani Kombëtar i Rimëkëmbjes Ekonomike” vetëm për ta instrumentalizuar si gënjeshtrën e radhës. Askush nuk pret më asgjë nga ky sharlatan i pacipë që nuk kursen askënd, në shërbim të oborrit të tij, mbjellë me gënjeshtra, premtime boshe dhe korrupsion”, shkruan Tabaku.
