Zgjedhjet ne Rrogozhinë do të përsëriten. Kolegji Zgjedhor pranoi kërkesën e koalicionit “Bashkë Fitojmë” pasi ky i fundit kërkoi pavlefshmërinë e kutisë së burgut ne kete qytet.
Pretendimet e opozitës se qendra e votimit në burgun e Rrogozhinës u ngrit dhe funksionoi në shkelje të ligjeve elektorale u pranua nga trupa e kolegjit zgjedhor.
Në vendoret e 14 majit ishte kutia e burgut që përmbysi rezultatin në favor të kandidatit socialist Edison Memolla për bashkinë Rrogozhinë, i cili në fund të numerimit doli me 20 vota më shumë sesa rivali i tij Shkelqim Hoxha.
Pas vendimit të formës së prerë të Kolegjit zgjedhor pritet te mesohet data se kur qytetaret e Rrogozhines do ti drejtohen serish kutive te votimit.
Afati ligjor për zhvillimin e procesit të pjesshëm elektoral në Rrogozhinë është 4 javë.
Zgjedhjet do të përsëriten vetëm për kandidatin për kryetar bashkie dhe jo për këshillat bashkiake.
