Agjentet e antidrogës kryen peshimin e plotë të kokainës së sekuestruar një ditë më parë në portin e Durrësit, nga ku rezultoi se ngarkesa totale e drogës ishte 324 kilogramë e 400 gramë.
Grupi hetimor nën drejtimin e Prokurorisë së Durrësit, po vijon shqyrtimin e provave në bashkëpunim me autoritetet policore të Maqedonisë së Veriut për të identifikuar dhe për të kapur personat e tjerë të përfshirë në trafik.
Shoferi i kamionit, 40 vjeçari Nazif Ajroski nga Maqedonia e Veriut, i arrestuar në flagrancë u mor në pyetje nga policia. Por burimet bene te ditur se ai mohoi te kishte dijeni per ngarkesen e paligjshme.
Ende bnuk dihet nëse kokaina e fshehur kryesisht në pjesën e serbatorit të kamionit, është ngarkuar në Maqedonine e Veriut apo në Shqipëri. Dyshohet se kamioni ka kaluar bosh në pikën doganoere te Qafë Thanës e më pas mund të jetë ndaluar në Tiranë për të vendosur sasinë e drogës.
Kokaina me vlerë miliona euro, e vendosur në disa pako të vogla, besohet se ishte destinuar për tregun europian. Kjo, pasi kamioni I nisur nga Maqedonia e Veriut po kalonte transit në Shqipëri dhe do të udhëtonte drejt Italisë.