Ministri i Turizmit dhe Mjedisit, Blendi Klosi, ishtë në Moravë të Korcës, teksa në shkollën e këtij fshati shpërndau librat falas për fëmijë nga klasa e parë në të katërtën.
Megjitha vemëndja më e madhe iu dedikua dhënies së librave falas për komunitetin rom dhe egjiptian. Duke qënë se këto fëmijë vijnë nga familje me vështirësi të mëdha ekonomike, librat falas për nxënësit e këtij komuniteti u dhanë për fëmijet që mësojnë nga klasa e parë deri në të nëntën.
Ministri Klosi theksoi se falë reformave në arsim komuniteti rom përfiton librat falas për fëmijët e tyre për të gjithë ciklin 9-vjeçar dhe kjo do të bëjë që fëmijët e këtij komuniteti të mos largohen nga shkollimi. Për ministrin Klosi kjo politikë e qeverisë për librat shkollorë falas do të zgjerohet deri fund të mandatit.
“Atë që duam të arrijmë me të gjitha shkollat e Shqipërisë, atë që kemi në planin e qeverisë që këtë vit do të marrin libra falas deri në klasë të katërt dhe pastaj vitin tjetër ata të klasës së pestë, të gjashtë për ta mbyllur brenda mandatit të gjithë ciklin e shkollës 9- vjeçare me libra falas, këtu në Moravë po ndodh që këtë vit sepse të gjithë nxënësit e komunitetit rom, do të marrin librat falas për të pasur mundësi që t’u heqim prindërve të tyre një barrë të rëndë që jo pak, por shumë nxënës i ka lënë edhe jashtë mureve të shkollës.
Në shkollën e Moravës, përfitojnë libra falas 112 nxënës të komunitetit rom nga 170 nxënës që ka kjo shkollë. Rreth 195 mijë fëmijë, në të gjithë vendin, po pajisjen me të gjithë librat e nevojshëm shkollorë falas. Në këtë program përfshihen 125 mijë fëmijë të klasave 1-4 si dhe 70 mijë fëmijë të të gjitha klasave, që përfitojnë si pjestarë të familjeve në nevojë.
