Jurgen Klopp njoftoi largimin nga stoli i Liverpool në fund të këtij sezoni. Dorëheqja e befasishme e teknikut gjerman vjen si një rrufe në qiell të hapur për skuadrën e madhe angleze e cila po përpiqet të jetë deri në fund një kandidate e fortë për titullin kampion në Angli.
Lajmi për largimin e Llopp është zyrtar pasi e bëri të ditur vetë klubi i Liverpool në kanalet e veta të rrjeteve zyrtare. Të kuqtë publikuan një video në të cilën vetë tekniku i njohur iu drejtua përmes një mesazhi tifozëve të Liverpool duke e arsyetuar vendimin me faktin që nuk ka më energji.
56-vjeçari e mori drejtimin e klubit anglez në 2015 pasi më herët kishte drejtuar Mainc dhe Dortmund në gjermani. në më shumë se 8 vite tek Liverpool, ai arriti të fitojë një Premier ligë, një Kupë Federate, një Kupë Lige, dhe mbi të gjitha një Champions League në 2019 e më pas Superkupën e Europës dhe Botëror Klubesh. /vizionplus.tv
