Pas letrës së presidentit Meta, i cili i kujtoi Këshillit të Lartë Gjyqësor se është 6 muaj e 20 ditë me vonesë për ti dërguar listën e emrave për kandidatë për antarë të gjykatës së lartë, KLGJ-ja miratoi këtë të premte projekt rregulloren që do ti hap rrugën garës.
Gjykata e Lartë ka në përbërje të saj 19 anetarë, ku 4 prej tyre do të jenë nga jashtë sistemit të gjyqësorit. KLGJ ka përcaktuar se juristët do të vlerësonen për tre kritere, aftësitë profesionale, morale dhe menaxheriale.
Në rendin e ditës të KLGJ-së nuk ishte i përfshirë dhe nuk është caktuar ende se kur do të hartohet project-akti për kriteret që duhet të ketë një gjyqtar që të jetë anëtar i gjykatës së lartë, pasi anëtarët gjyqtarë duhet të kene kaluar të gjitha hallkat e vetingut.
Në këto kushte gjykata e lartë do të jetë jashtë funksionit edhe për disa muaj. Gjykata e Lartë është aktualisht me dy antarë Xhezair Zaganjorin që po zhvillon betejnë e tij në Kolegjin e Posacëm të Apelimit dhe Ardian Dvoranin.
