I dënuari Kelmend Balili, i njohur ndryshe edhe si eskobari i Ballkanit, ka paraqitur këtë të mërkurë kërkesë në Gjykatën e Elbasanit për ndryshimin e nivelit të sigurisë për shkaqe shëndetësore. Çështja është ende në shqyrtim dhe nuk është marrë asnjë vendim deri më tani.
Mësohet se Gjykata ka vendosur të ngrejë një grup mjekësh ekspertë, të cilët do të analizojnë gjendjen shëndetësore të tij, raporton Vizion Plus.
Pas vlerësimit të mjekëve, do të përcaktohet nëse Balili do të transferohet në një burg me masa më të lehta sigurie.
Aktualisht, Balili vuan dënimin ne burgun e Peqinit në siguri të lartë. Kujtojmë se në korrik të vitit të shkuar, ai kërkoi që të transferohej neë një institucion me siguri të ulët.
