Në një status të postuar në facebook, ish ministrja e Integrimit Klajda Gjosha shkruan se fenomeni i azilkërkuesve mund të minojë lëvizjen e lirë të shqiptarëve në Europë, pse jo të krijojë vështirësi në procesin e anëtarësimit në BE.
Gjosha publikon një raport mbi azilkërkuesit në vendet e BE-së, ku Shqipëria ka tregues të lartë sipas saj të largimit të qytetareve drejt vendeve europiane, cka sipas deputetes së LSI tregon gjendjen e rëndë ekonomike në të cilën ndodhet vendi.
Sot në një raport mbi azilkërkuesit për herë të parë në vendet e BE, Shqipëria renditet përsëri krah vendeve me numër të lartë të njerëzve që largohen nga vendi. Ndryshimi i vetëm dhe absurd është fakti që vendi ynë nuk është as në gjendje lufte dhe as një vend jashtë kufijve të Europës.
Ky numër i lartë edhe gjatë muajve të fundit të 2018-ës, përvec se është një tregues i gjendjes së rëndë ku ndodhet vendi ekonomikisht, çështja është se në muajt që vijnë ky fenomenon do të kthehet në bllokues të negociatave dhe të perspektivës europiane të Shqipërisë!
I rikujtoj qeverisë se në raportin e fundit të Këshillit Europian theksohet qartë se i kërkohet Komisionit Europian të shprehet në një raport të posaçëm për çështjen e azilkërkuesve shqiptar. Aq sa mund të duket thjesht si cështje raportesh në letër, aq dhe mund të kthehet në një rrezik për lēvizjen e lirë dhe rikthimin e vizave!
Deliri i qeverisë për arritjet e mëdha imagjinare shprehet qartë në skemën e mëposhtme!