Një studiues i mirënjohur kinez për të cilin u tha se kishte gjetur disa fakte shumë domethënëse për koronavirusin raportohet të jetë vrarë. Sipas mediave të huaja, ngjarja duket si vetëvrasje.
Dr. Bing Liu, 37 vjeç, u ekzekutua në shtëpinë e tij të shtunën pasdite. Raportohet se një burrë i identifikuar si 46-vjeçari Hao Gu dyshohet të jetë autori që u fut në banesën e tij dhe hapi zjarr.
Liu u godit me plumba në kokë e qafë dhe më pas vdiq. Gruaja e tij nuk ndodhej në shtëpi kur ndodhi ngjarja, ndërsa mësohet se studiuesi nuk kishte fëmijë.
Sipas policisë, Liu dhe Gu e njihnin njëri-tjetrin para vrasjes. Asgjë nuk është raportuar e humbur nga shtëpia e 37-vjeçarit.
Bing Liu ishte një asistent kërkimesh në Departamentin e Biologjisë Informatike dhe Sistemeve të UPMC, sipas një deklarate të lëshuar nga punëdhënësi i tij që njoftoi vdekjen e tij të parakohshme.
“Bing kishte filluar të gjente rezultate shumë interesante gjatë kërkimeve të tij. Ne do të bëjmë përpjekje për të përfunduar atë që ai nisi”, thuhet në deklaratë.