Tre të rinjë kanë rënë në prangat e policisë së Fierit pasi kishin kryer disa vjedhje gjatë këtij muaji.
Sipas policisë tre të rinjtë e arrestuar janë shtetasit:
K.D, 18 vjeç, banues në Fier
O.L, 15 vjeç, banues në Fier
K.Gj, 15 vjeç, banues në Fier.
Tre të rinjtë, sipas policisë ishin kthyer në shqetësim për banorët e zonës pasi kishin kryer disa vjedhje në Fier e Lushnje.
Konkretisht, shtetasit e mësipërm dyshohet se kanë vjedhur:
- Një furr buke në lagjen “Apollonia”, Fier.
- Portofolin e shtetases A.H në Lushnje
- Një biçikletë në lagjen “Kastriot” Fier.
- Një sasi lekësh në një mjet tip furgon në lagjen “Kastriot” Fier.
- Një telefon të markës “IPHONE 7”, në një automjet në lagjen “Kastriot” Fier.
- Disa sende nga një mjet tip furgon në lagjen “Liri” Fier.
- Një sasi lekësh në një farmaci në lagjen “1 Maj” Fier.
- Një sasi lekësh në një makinë në lagjen “1 Maj” Fier.
