Chelsea, gati te blindoje Antonio Conte. Pas insistimit te vazhdueshëm te Inter, drejtuesit e kampioneve te Anglisë, nuk duan te rrezikojnë, ndërsa janë gati t’i plotësojnë te gjitha kërkesat, si ne page ashtu dhe ne buxhet për blerjen e lojtareve, teknikut italian. Shifra është inferiore nga ajo e zikalterve, por e mjaftueshme per te bindur strategun e bluve. 9.6 milionë sterlina deri ne vitin 2021 ose 11 milionë euro, duke e bere teknikun puljez me te paguarin ne histori ne “Stamford Bridge”.
Javën e ardhshme pritet te behet takimi me pronarin Roman Abramoviç, i cili është bindur te lëvroje edhe fondin prej 200 milionë sterlinash per merkaton e ardhshme. Objektivat: Sulmuesi Lukaku i Everton, mbrojtësi Van Dijk i Sauthempton dhe mesfushori i Monako, Bakajoko. Per sulmin flitet edhe Beloti i Torinos ndërsa admirimi për Raxha Naingolan te Romes, nuk është fshehur asnjëherë.
Nje tjetër detaj i rëndësishëm i marrëveshjes është qe ne rast shkarkimi Conte do te dëmshpërblehet me 20 milionë euro. Antonio Konte shpreson qe ne takimin me pronarin rus te kete ne tavoline edhe dy trofetë, atë te Premier Leagues dhe te sotmin Fa Cup, ku ne finale ne Uembli do te përballet ne derbin londinez me topçinjte e Arsenal.
Vetem pak dite me pare Conte i kishte mbyllur derën Inter, duke deklaruar se familja e tij do te zhvendosej ne Londer, kishte nje projekt me Chelsean, i cili do te vazhdonte me Champions League sezonin e ardhshëm.
Per mediat angleze, oferta e Chelsea e ka bindur Antonio Conte i cili jo vetëm po kërkon nje shtëpi te re ne Londër per te sistemuar familjen, por edhe ka filluar nje kurs intensive te gjuhës angleze për te përmirësuar kapacitetet dialektike.
