Pas thirrjeve të vazhdueshme të Uashingtonit për mbështetjen e Kinës kundër Koresë së Veriut, presidenti kinez Xi Jinping, përmes një telefonate, i bën thirrje Donald Trump që të shmangë tonet e ashpra dhe të mos e përkeqësojë me tepër situatën mes dy vendeve.

 

Tensionet e gjata mbi programin bërthamor të Koresë së Veriut u rriten kur vendi komunist testoi dy raketa balistike ndërkontinentale në korrik. Vendimi i OKB-së për të zgjeruar sanksionet solli reagime të ashpra nga Pheniani.

 

Presidenti Donald Trump ka paralajmëruar Korenë e Veriut se e presin “probleme shumë shumë të mëdha” nëse ndodh ndonjë gjë në territorin amerikan të Guamit. Trump theksoi se SHBA-të mund të imponojnë sanksione të mëtejshme, “aq të forta sa do të rrëzojnë” Korenë e Veriut.

 

Nga ana tjetër, Kina po përpiqet të ruajë neutralitetin në një kohë kur tensioni mes Uashingtonit dhe Phenianit ka arritur pikën më kritike. Frika e një sulmi bërthamor nga të dyja palët ka bërë që Kina të saktësojë qëndrimin e saj duke u pozicionuar kundër fillimit te konfliktit ushtarak mes palëve.

 

Leave a Reply

Your email address will not be published.