Lideri i Koresë së Veriut, Kim Jong-un ka mbërritur në Pekin këtë të martë për të zhvilluar një vizitë dy ditore pas ftesës së bërë nga presidenti kinez Jinping.
Sipas raportimeve të medias shtetërore, vizita e Kim në Kinë nuk ishte e planifikuar në axhendën e liderit korean.
Lideri koreano-verior zbriti këtë të martë në Pekin së bashku me bashkëshorten e tij, Ri Sol-ju.
Vizita e Kim në Kinë vjen pas raportimeve se ai dhe presidenti I SHBA, Donald Trump do të zhvillojnë një tjetër takim mes tyre.
Trump dhe Kim u takuan qershorin e kaluar duke shënuar kështu dhe takimin e parë mes liderave të dy shteteve.