Koreja e Veriut duket se nuk ka hequr dorë nga raketat bërthamore. Lideri i Koresë së Veriut Kim Jong Un mbikëqyri testimin e një lloji të ri të armëve të prodhuar në Phenian, i pari që nga samiti i dytë me Donald Trump i cili përfundoi pa një marrëveshje.
Mediat koreano veriore nuk e kanë saktësuar se për çfarë arme bëhet fjalë, nëse është raketë apo një lloj tjetër, por vetëm e kanë përshkruar shkurtimisht: “Një armë të komanduar taktike”.
Lideri i vendit komunist Kim Jong Un tha se “përfundimi i zhvillimit të sistemit të armëve është një ngjarje me rëndësi shumë të madhe në rritjen e fuqisë luftarake të ushtrisë së Koresë së Veriut.”
Megjithatë arma e re është një raketë me rreze të shkurtër ndryshe nga raketat balistike me rreze të gjatë të cilat shiheshin si kërcënim për SHBA-të.
Ky është testimi i parë i një arme që pas dështimit të samitit të dështuar mes Kim Jong Un dhe Donald Trump në kryeqytetin e Vietnamit, Hanoi. Bisedimet nuk patën sukses rreth denuklearizimit të Koresë së Veriut, dhe dy liderët u larguan papritmas, duke mos ndjekur më axhendën e bisedimeve.
