Kim jep mesazhin: SPAK do të japë më shumë rezultate! Askush s’është mbi ligjin

Ambasadorja e SHBA-ve në Shqipëri, Yuri Kim njoftoi se sot zhvilloi një takim me shefin e seksionit të krimit të organizuar të SPAK, Altin Dumani.

Përmes një postimi në “Twitter”, diplomatja amerikane vlerësoi punën dhe rezultatet e SPAK.

“Unë u takova sot me Altin Dumanin, shefin e Seksionit të Krimit të Organizuar të SPAK, për të shprehur vlerësimin për ndjekjet e shumta që kanë rezultuar me burgim dhe konfiskim të pasurisë. SPAK do të japë më shumë rezultate që tregojnë se askush nuk është mbi ligjin”, shkruan Kim.