Shtetet e goditura fort nga rënia e turizmit po ofrojnë para për udhëtuarët që të kthehen pasi të ketë mbaruar pandemia e koronavirusit.
Mbretëria e Bashkuar aktualisht është kundër udhëtimeve jo thelbësore, me një karantinë të detyrueshme 14-ditore nga 8 qershori.
Kjo do të thotë që udhëtimi jashtë vendit mund të mos jetë i mundshëm së shpejti përkundër lutjeve nga vende të tilla si Spanja që turistët të kthehen për sezonin e verës.
Sidoqoftë, të tjerët po ofrojnë marrëveshje dhe madje pagesa për të tërhequr udhëtarët.
Më poshtë janë disa nga vendet që po e aplikojnë diçka të tillë:
Siçilia
Siçilia, e vendosur në jug të Italisë, është duke u përpjekur të tërheqë vizitorët e huaj përsëri në ishull. Për çdo tre netë që qëndroni në një hotel, ata do të mbulojnë njërën prej tyre, së bashku me biletat e hyrjes në muze. Ata gjithashtu do të paguajnë gjysmën e biletës tuaj të aeroplanit. Qeveria do të përdorë 50 milionë € për të financuar këtë skemë, me humbje prej 1 miliardë € të raportuara nga marsi dhe prilli.
Japonia
Qeveria japoneze mund të paguajë gjysmën e biletës suaj të aeroplanit për t’i kthyer turistët. Po merren parasysh edhe stimuj të tjerë. Zëdhënësi i Agjencisë së Turizmit në Japoni, Hiroshi Tabata tha gjatë një konference për shtyp se qeveria po lë mënjanë 12.5 miliardë dollarë për të inkurajuar turizmin, sipas mediave lokale. Ata gjithashtu mund të subvencionojnë shpenzime të tjera të udhëtimit në vend.
Meksika
Vendpushimet e Cancun po kërkojnë të ofrojnë qëndrime falas për hotelet. Po ashtu ka disa sugjerime për zbritje biletash.
Bullgaria
Disa plazhe në Bullgari do të bëhen falas për turistët, si dhe do të lehtësira për shazlongët dhe çadrat.
