Reshje intensive, permbytje dhe rrezik i shtuar ne disa zona te vendit. Instituti i Gjeoshkencave, Energjise, Ujit dhe Mjedisit ne buletinin me te fundit te rreziqeve natyrore njofton per situaten qe pritet neser dhe pasneser.
Përgjatë datave 30.11.2017 dhe 01 – 02.12.2017 priten reshje shumë intensive, pothuajse në të gjithë territorin, por edhe jashtë kufijve .
Dita e sotme pa reshje, por e ftohtë. Parashikimi:
Reshjet maksimale i kalojnë vlerat e 100 mm në 24 orë. Nga llogaritjet PARAPRAKE këto reshje priten të sjellin përmbytje në lumenjtë e mëdhenj, përveç vërshimeve të lumenjve të vegjël dhe përmbytjeve urbane në varësi të gjendjes së kanalizimeve në qytetet kryesore (Tiranë, Lezhë, Durrës, Korçë, Berat, Vlorë, Fier dhe Gjirokastër).
