E shtunë, 21 Nëntor 2026 Dielli i Dimrit deri në 15:00 Në vijim ora 15:00: Lajme Ora 15:00 dhe Moti Reklamo Kontakt Karriera
Vizion Plus
Lifestyle

Këshilla për ta bërë parfumin tuaj të zgjasë më shumë

Nëse do të na duhej t’i ndanim gratë në kategori sipas aromës së tyre, atëherë ndoshta do t’i ndanim në ato që mbajnë një parfum gjithë jetën e tyre dhe ato që duan të nuhasin ndryshe çdo stinë apo edhe çdo ditë.

Cilado qoftë kategoria në të cilën bini, patjetër që dëshironi që parfumi juaj të zgjasë shumë dhe të mos “zhduket” pas një kohe.

Disa janë më të fortë se të tjerët dhe zgjasin mjaft shumë vetëm me një spërkatje. Disa kanë nevojë për pak “ndihmë” dhe ne do t’jua japim.

Para së gjithash, aromat frutore dhe lulesh zgjasin më pak se ato drusore dhe pikante, kështu që nëse dëshironi aroma që zgjasin shumë pa asnjë përpjekje, këto të fundit janë ato që ju nevojiten.

Reklamë

Megjithatë, nëse ju pëlqejnë ato të kategorisë së parë, do të ishte një ide e mirë t’i spërkatni në pjesët e trupit ku ka puls (brenda kyçeve të duarve dhe anët e qafës), por edhe në vende si kërthiza dhe pjesa e brendshme e gjunjëve.

Një këshillë që patjetër do t’ju ndihmojë është të merrni kremin e trupit përkatës të parfumit që ju pëlqen dhe t’i aplikoni së bashku për intensitet dhe kohëzgjatje më të madhe.

Nëse nuk doni ose nuk është i disponueshëm në dyqane, përpiquni të shmangni kremrat me një aromë të ndryshme dhe intensive, pasi kjo do t’i “ngatërrojë” aromat.

Së fundmi, ruajini parfumet në një vend të errët dhe të freskët dhe sigurohuni që t’i mbyllni gjithmonë kapakët fort, pasi ajri mund të ndryshojë përbërjen e tyre dhe, si rrjedhojë, kohëzgjatjen dhe intensitetin e aromës.

 

Vazhdo të lexosh

Reklamë