Kandidatja e LSI në Tiranë, Floida Kërpaçi ngriti si shqetësim këtë të mërkurë largimin e të rinjve nga vendi.
Përmes një postimi në “Facebook”, ajo reagoi për të dhënat më të fundit, sipas të cilave, Shqipëria është vendi me rrjedhën më të lartë të trurit në rajon.
Ajo tha se sapo të zgjidhet si deputete, do të merret me këtë çështje dhe për këtë arsye kërkoi edhe ide apo komente nga qytetarët në këtë drejtim.
“Shqipëria është vendi me rrjedhën më të lartë të trurit në rajon, pasi 40% e të larguarve nga 2012-2019 janë të arsimuar. Shumë prej tyre të rinj nën 35 vjeç të cilët nuk kanë gjetur mundësi në Shqipëri. Ky është preokupimi im kryesor si një e re që ka qenë në parlament dhe që synon të jetë sërish përfaqësuesja juaj, ndaj mirëpres idetë dhe komentet tuaja si mund ta bëjmë më të mirë për ju vendin tonë.👇🏻”
