Gjykata e Korçës shtyn në datën 9 prill seancën në ngarkim të Zani Çaushit, i cili kërkon liri me kusht pasi pretendon se deri tani ka kryer më shumë se 25 vite burg.
Seanca, bëjnë me dije burime për “Vizion Plus” pranë gjykatës, është shtyrë pasi avokati Arben Lera ka kërkuar kohë për të përgatitur konkluzionet përfundimtare. Zani Çaushi edhe në seancën e sotme ka ardhur në gjykatë nën masa të rrepta sigurie.
Seancë e cila është zhvilluar me dyer të mbyllura dhe është gjykuar nga Selaudin Pysqyli i cili vetëm pak kohë më parë e ka pushuar çështjen e lirimit me kusht kërkuar nga i forti i Çoles.
Burime thanë se Zani Çaushi nuk mund të përfitojë lirimin me kusht për dy arsye. Së pari, sepse nuk ka plotësuar 25 vite burg. Së dyti, gjatë kohës së vuajtjes të dënimit ka kryer edhe vepra të tjera penale.
