Zbardhen detaje nga diskutimet mes palëve në Këshillin Politik për reformën zgjedhore. Përfaqësuesi i socialistëve, Damian Gjiknuri deklaroi se opozita jashtëparlamentare po tenton të bllokojë procesin me kërkesën për t’ju drejtuar ODIHR.
“Nuk mund të diktohet procesi i reformës nga kërkesat tuaja. Në emailin tuaj me shumë kërkoni sebep për të mos gjetur kompromis dhe kërkoni të imponoheni. Sipas jush kompromis është vetëm ajo që kërkoni ju. Propozimet tona janë të bazuara në praktikat evropiane dhe nuk është se kemi bërë shpikje. Edhe sa i takon koalicioneve është pikërisht qëndrim i yni i bazuar në praktikat evropiane. Kërkesa juaj për ODIHR ëeshtë për të zvarritur procesin dhe futur në krizë kushtetuese vendin. Unë jam i hapur për kompromis për cështjet e tjera nëse ju deklaroni se do të pranoni formatin e koalicioneve sipas shembujve evropian, shembuj që disa në fakt i keni dhënë dhe këtu. Nuk pranojmë të na diktohet konsensusi me kërkesa vetëm të njerës palë. Që të mbahet peng gjithcka vetëm nga formulimi për koalicionet, kjo është taktike e juaja për të cuar në pengimin e zbatimit të Kushtetutës.”
Damian Gjiknuri këmbënguli që të pranohet formula e koalicioneve e propozuar nga mazhoranca pasi sipas tij, është marrë shembull nga vendet evropiane. Ai u shpreh i hapur për të diskutuar për çështjen e pragut dhe të listave.
