Të shtëna me armë zjarri janë regjistruar mbrëmjen e kësaj të hëne në Shkodër, në lagjen “Vasil Shanto”.
Si pasojë, ka mbetur i plagosur ish-kryetari i Komunës, Pashko Ujka.
64-vjeçari është dërguar në Spitalin Rajonal të Shkodrës, ku ndodhet nën kujdesin e mjekëve.
Ende nuk bëhen me dije rrethanat e ngjarjes dhe as identiteti i autorit të plagosjes.
Në vendngjarje kanë mbërritur menjëherë shërbimet e Policisë, ndërsa vijon krehja e zonës me qëllim kapjen e autorit.