“Bëhuni gati, po vijmë”. Ky është mesazhi kërcënues që kanë lëshuar luftëtarët e Wagner-it, pas vdekjes se shefit te tyre Yevgeny Prigozhin.
Tre luftëtarë, që duken të maskuar, në videon e tyre kanë shuar kuriozitetin e opinionit publik boteror se çfarë do të ndodhë tashmë me grupin e luftetareve mercenare “Wagner”.
“Po flitet shumë tani për atë që do të bëjë grupi Wagner. Po ju themi një gjë që kemi vendosur, bëhuni gati për ne”, thuhet në video.
Te merkuren pas aksidentit qe solli vdekjen e Prigozhin, një burim që konsiderohet mjaft i afër me grupin mercenar Wagner e cilëson vdekjen e Yevgeny Prigozhin, si rezultat të veprimeve të tradhtarëve rusë.
“Kreu i Grupit Wagner, një hero i Rusisë, një patriot i vërtetë, Yevgeny Viktorovich Prigozhin, u vra si rezultat i veprimeve të tradhtarëve në Rusi”, thuhej në një postim të “Grey Zone”, një llogari në platformën Telegram, që është e afërt me Wagnerin dhe ka postuar herë pas here mesazhe të filmuara të liderit të kompanisë mercenare.
Avioni me te cilin udhetonte Prigozhin u rrezua ne periferi te Moskes. 7 pasagjere dhe 3 pjestare te bordit gjeten vdekjen.
