Kërcënoi turistin kosovar, pezullohet polici në Durrës

Punonjësi i Policisë së Komisariatit të Policisë Durrës, është pezualluar nga detyra për komunikim jo etik me një pushues nga Kosova

Sipas drejtorit të përgjithshëm të Policisë së Shtetit pas një video të publikuar në mediat sociale nga nje shtetas kosovar, i cili ka bërë publik komunikimin jo etik të punonjësit të Policise, është marrë dhe vendimi për pezullimin nga detyra të punonjësit.

Gjatë komunimit në lidhje me rastin, Ndihmës/Specialisti i Policimit në Komunitet A.L. ka përdorur komunikim jo etik me shtetasin kosovar.

Për këtë, punonjësi i Policisë është pezulluar nga detyra dhe ndaj tij Drejtoria e Standarteve Profesionale në Drejtorinë e Përgjithshme të Policisë së Shtetit ka filluar hetimin disiplinor.

Policia e Shtetit është e angazhuar maksimalisht për të garantuar një ambient sa më të sigurt për të gjithë pushuesit, vizitorët  e turistët.