Agjencia e Mbikëqyrjes Policore (Rajoni Tiranë) ka referuar në Prokurorinë pranë Gjykatës së Shkallës së Parë të Juridiksionit të Përgjithshëm në Tiranë materialet proceduriale në ngarkim të punonjësit të policisë E.H., me detyrë Patrullë e Përgjithshme në Komisariatin Nr.5, i dyshuar për veprat penale “Kanosja” dhe “Shpërdorim i detyrës”.
Sipas hetimeve të para, ngjarja ka ndodhur mbrëmjen e djeshme, ku efektivi është përfshirë në një konflikt fizik për motive të dobëta me disa persona në një lokal në Tiranë. Situata ka agravuar dhe polici ka kanosur të pranishmit duke përdorur armën e shërbimit.
Ndaj tij është nisur edhe një hetim disiplinor administrativ, ndërsa vijojnë hetimet për zbardhjen e plotë të ngjarjes.
AMP fton qytetarët të denoncojnë çdo rast abuzimi apo shkeljeje nga punonjësit e policisë në numrin falas 0800 9090 ose në adresën elektronike: ankesa@amp.gov.al
/vizionplus.tv
