“SPAK mes krimit dhe politikës”, kjo ka qenë tema e Quo Vadis e moderatores Pranvera Borakaj këtë të martë në Vizion Plus.
I ftuar në studio ish-Prokurori Ervin Karanxha tha se një rol kyç në kërcënimin që ju shkojnë prokurorëve kanë dhe mediat në raportimin e tyre. Sipas tij mediat duhet të jenë të kujdesshme.
Duke u ndalur në përplasjes mes kryebashkiakut Erjon Veliaj dhe Prokurorit të SPAK, Ols Dado, Karanxha tha se kryebashkiaku ndodhet në burg për shkak të këshillave të gabuara të “Redaktorit”.
Sipas tij Veliaj nuk duhet të kishte sulmuar publikisht prokurorin, por duhet të mbrohej me fakte.
Pjesë nga biseda:
Borakaj: Si ju duken deklarata e Dumanit se ka kërcënime ndaj prokurorëve?
Karanxha: Në çdo proces normal një prokuror kur zbaton ligjin cënon interesa të caktuara, dhe do të ketë kundër reagim. Tani duhet të ndajmë çfarë kërcënimi është, verbal, medaia apo … Po marrim rastin e fundit të Veliajt, deri ku do shkojë media të diskutojë për rastin. Ne vijmë nga një diktaturë duhet të kemi një të mesme të artë, media të raportojë lajmin por të mos cënojë prokurorin. Marrim rastin e Veliajt, ti mund të merresh me prokurorin por jo me fëmijët. Te rasti i Veliajt mund të ketë pretendime, personat do flasin, por në momentin që cënon familjet, kjo sështë normale. Edhe Veliaj, ata Redaktori që e kanë mësuar e ka mësuar gabim, edhe avokati që e mësonte i thoshte mos shaj prokurorin, merru me mbrojtjen. Është gabimi i redaktorit që ai është në burg.
