Mbrëmjen e së hënës është zhvilluar premiera ndërkombëtare e filmit më të ri të prodhuar nga ‘Disney’, ‘Maleficent Mistress of Evil’.
Personazhi kryesor i filmit Angelina Jolie nuk mund të mungonte në premierën e organizuar në teatrin ‘El Capitan’ në Los Angeles.
Aktorja u shoqërua në tapetin e kuq nga fëmijët e saj dhe arriti të rrëmbente vëmendjen e të gjithëve me një fustan të zi të gjatë.
Në premierë ishte e pranishme edhe këngëtarja shqiptare me famë botërore, Bebe Rexha, pasi kënga e saj ‘You can’t stop the girl’ është pjesë e filmit.
Bebe pati mundësinë të takonte nga afër Angelina Jolie dhe të bënte një foto me të, duke realizuar një nga ëndrrat e saj më të mëdha.
