Kryeministri i vendit Edi Rama ditën e sotme i është rikthyer rubrikës “Sy m’Sy” në rrjetet sociale, pas zgjedhjeve të 11 majit. Pasi fitoi mandatin e katërt, kreu i qeverisë tha se ndodhen në një moment reflektimi ndërsa theksoi se së shpejti do të marrin lajmin për të hapur një tjetër grupkapitujsh të negociatave.
Gjithashtu ndau disa nga punët dhe projektet me të cilat po punohet aktualisht. Rama bëri me dije se ka nisur puna për samitin e NATO-s, i cili do të mbahet në vendin tonë në 2027.
Më tej, kryeministri njoftoi se janë në diskutime për të sjellë në Shqipëri evetin “Globe Soccer Awards”
Edi Rama: Shpresojmë se besojmë se së shpejti do të marrim lajmin e hapjes së një tjetër grup kapitulli, sipas ambicies dhe planit të hapim pastaj dhe grup kapitullin e fundit. Ndërkohë Samiti i Komunitetit Politik Evropian ka qenë një sukses i jashtëzakonshëm. Kemi filluar punën për samitin e NATO-s. Në dukje ka kohë, por kjo është mënyra se si punohet, fillon puna dy vjet përpara. Pasi ka ardhur grupi i inspektimit nga qendra e NATO-s në Bruksel për të parë të gjitha opsionet dhe për të inventarizuar të githa kushtet dhe mundësitë e infrastrukturës, pritjes, logjistikës e kështu me radhë, topi është në fushën tonë për të shkuar përsëri në qendër me një masterplan të përgjithshëm të organizimit.
Ne ndërkohë jemi në një diskutim për të sjellë në Tiranë, Shqipëri, 95% në Tiranë, edicionin europian të Globe Soccer Awards, pra të çmimit të globit të futbollit. Është një eveniment i jashtëzakonshëm i cili mbahet në mënyrë të përvitshme. Për edicionin evropian organizatorët janë në një diaskutim me Madridin dhe me ne këtu në Shqipëri, kemi shumë arsye të besojmë që zgjedhja do të bierë mbi ne dhe do të jetë fantastike që çmimin e futbollistit më të mirë të vitit nga Globe Soccer Lamine Yamal, fjala vjen, t’ia japim këtu në Tiranë. Këto janë aktivitete që do të ishin të paimagjinueshme deri jo shumë vite më parë dhe arsyeja pse tani vendi ynë mund t’i imagjinojë
