Teksa vizitonte këtë të shtunë qytetin e Durrësit, kryeministri Edi Rama u përball me banorët e prekur nga tërmeti i 26 nëntorit. Këta të fundit ankoheshin dhe kërkonin të dinin se kur do të futen në banesat e reja.
“Kryeministër kemi mbetur rrugëve. Si do të bëhet kjo punë?”, pyet qytetarja.
Kreu i qeverisë iu shpjegoi qytetarëve se puna për rindërtimin e banesave do të fillojë në momentin kur qeveria të miratojë projektin sipas standarteve.
“E kuptoj, pse je rrugëve? Ku? Pse je rrugëve? A je me qera? A po ta paguajmë qeranë? Je në rregull ç’ke? Të lutem, tani më fal. Zonja është brenda shtëpi, ti thua s’ke marrë. Edhe një herë, ai lekët i ka të garantuara përderisa ke lekët. Ti s’ke shkuar nga rruga. Kush ka letrën me vendimit e Këshillit Bashkiak. Kur ka probleme duhet të na bëni me dije se del ndonjë problem me pronarët. Duhet bërë projekti, duhet miratuar, të jetë sipas standarteve.”
