Keidi Bare zhvilloi një nga paraqitjet e tij më të mira sezonin që përfundoi. E si pasojë kësaj paraqitje për lojtarin e kombëtares nuk kanë munguar edhe ofertat nga shumë klube europiane. Espanjoli është skuadra më e përfolur që ka treguar interes për të marrë shërbimet e 22-vjeçarit. Futbollisti i talentuar ka shkëlqyer me fanellën e Malagas, por gjendja e vështirë financiare en detyron klubin që fitimet t’i nxjerre nga shitja e një prej lojtarëve të tyre më të spikatur.

Ndërkohë nga ajo çfarë raportojnë  mediat në Spanjë marrëveshja është mbyllur teksa mungojnë vetëm disa detaje të fundit rreth kontratës. Nëse kjo transfertë do të ndodhë, shifra që Espanjol do të duhet të  derdhe në arkat e Malagas është 2.5 milionë euro, ku 20% shkojnë për klubin e Atletikos së Madridit, që ka ende në zotërim një pjesë të kartonit të tij. Kështu, në Spanjë janë të bindur se në javën e ardhshme vjen edhe zyrtarizimi mbi këtë çështje.

Kujtojmë që Espanjoli këtë sezon nuk arriti të mbijetojë në elitën e futbollit spanjoll, ndërsa nga edicioni i ardhshëm do të militojë në la liga 2. Megjithatë, skuadra do të kërkojë që të rikthehet sa më parë në la liga e për këtë i ka hedhur sytë te 22-vjeçari fierak, që aktivizohet edhe me kombëtaren shqiptare.

Leave a Reply

Your email address will not be published. Required fields are marked *