Këshilli i Emërimëve në Drejtësi ka shpallur listën përfundimtare, ku Artur Metani, i cili aktualisht mban postin e Avokatit të Shtetit, është renditur i pari në garën për Inspektorin e Lartë të Drejtesisë.
3 vjet pas krijimit të postit të Inspektorit të Lartë të Drejtësisë, Këshilli ka miratuar listën përfundimtare me 5 kandidatë.
Sipas vlerësimit që ka bërë Këshilli i emërimeve në Drejtësi, i dyti është renditur Sokol Stojani, e me pas Joana Sorraj, Eris Hysi dhe Lindita Troja.
Brenda 3 ditëve kjo listë do ti dërgohet parlamentit, i cili me 84 vota do të zgjedhë kush do të jetë inspektori i larte i drejtesise.
Meqenëse deputetet kanë nisur pushimet e dimrit, zgjedhja e Inspektorit të Lartë të Drejtësisë do te realizohet në fund të muajit janar kur nis sesioni i ri parlamentar.
