KED i nis Kuvendit listën me 5 kandidatët për kreun e ILD

Këshilli i Emërimeve në Drejtësi (KED) i ka dërguar Kuvendit të Shqipërisë listën me kandidatët për Inspektor të Lartë të Drejtësisë.

I pari në këtë garë për drejtimin e institucionit që pritet të hetojë veprimtarinë e gjyqtarëve dhe prokurorëve është ish-Avokati i Shtetit, Artur Metani.

Nëse Kuvendi nuk arrin të zgjedhë kreun e ri të ILD-së mes 5 kandidaturave, zgjidhet automatikisht i pari, që është Artur Metani.

Lista përfundimtare e renditjes:

1. Artur Metani 89.6 Pikë
2. Sokol Stojani 89 Pikë
3. Joana Asimi Sorraj 82.2 Pikë
4. Eris Hysi 78.3 Pikë
5. Lindita Troja 63.4 Pikë.