Ka nisur finalja e madhe e edicionit të parë të “Ferma VIP”. Moderatorja Fjoralba Ponari dhe kryeplaku Bes Kallalu ka prezantuar 6 finalistët.
Mes emocioneve, ata iu përgjogjen edhe disa pyetjeve të moderatorëve.
E pyetur se kë ka më shumë frikë në sfidat e sotme, Baby G tha se vetveten. Finalistja u shpreh gjithashtu se fermës i ka marrë gjithçka.
Finalistja Çiljeta Xhilaga u shpreh se ka pasur disa momente të vështira në fermë dhe kjo sepse i ka munguar shumë familja e saj në izolimin e “Ferma VIP”.
“Kam paur disa momente që jam ndjerë vetëm , më kanë munguar familja ime”, tha Çiljeta Xhilaga.
Finalisti Dijonis Biba, me plot vetëbesim u shpreh se ja ka dalë.
“Besoj ja kam dal”, tha Dijonisi.
Finalistja Ditea Berisha u shpreh se sfidën e ka pasur me veten e saj dhe është gati të triumfojë edhe sonte.
“Kam fituar më shumë vetbesim dhe kam bërë gjëra shumë të reja. Sfidën e kam pasur me veten dhe shpresoj të fitoj dhe sfidën sonte”, tha Ditea Berisha.
Finalisti Florian agalliu përmendi Valer Kolnikaj si fermerin që ka pasur më shumë frikë për sfidat.
“Ai që kam pasur frikë më shumë tani është jashtë. Synimi kryesor kanë qenë sfidat, ndryshe unë nuk do kisha marrë pjesë. Jam përpjekur të jem rracional. E ndjej veten shumë mirë, jam shumë i lumtur. Jam gati të rrëmbej çmimin e madh”, tha Florian Agalliu.
Finalisti Renis Gjoka nuk përmendi emra se cili është fermeri më i fortë sipas tij.
“Jemi të gjithë të fortë, nuk do veçoja asnjë. T’a shohim si do shkojë”, tha Renis Gjoka./vizionplus.tv
