Prokurorja Speciale e Maqedonisë së Veriut ka reaguar për herë të parë pas publikimit të audio dhe video skandalit nga mediat italiane që ka tronditur vendin. Ne nje leter publike Janeva shkruan se është në dijeni të videove që po bëjnë jehonë edhe në mediat ndërkombëtare, por mohon se është e përfshirë në një skandal korrupsioni.
“I kam parë videot e publikuar nëpër rrjetet sociale, portale lidhur me zhvillimet e rastit “Reket”. Jam e befasuar se si veprimet e mia si prokurore speciale lidhen në çfarëdo lloj korrelacioni me rastin “Reket”. Si prokurore publike speciale, është detyra ime të kontaktoj me të gjithë të dyshuarit dhe me këdo person tjetër në lidhje me paditë penale që shqyrtohen në Prokurorinë Publike, dhe nga të gjithë këta persona mundohem të mbledh sa më shumë informacione në mënyrë që të përmirësoj pozicionin ndaj të dyshuarve për secilën çështje.
Prokurorja special thekson se me personat e përfshire ne video ka biseduar për rritjen e bashkëpunimit, dhe në asnjë mënyrë nuk ka vepruar në kundërshtim me ligjin.
“Ne lidhje me këtë çështje, kam biseduar për rritjen e nivelit të bashkëpunimit me të dyshuarit për të marrë informacionet më të fundit në interes të hetimit, në veçanti për përmirësimin e pozicioneve tona si prokurorë publikë, por në asnjë mënyrë dhe në asnjë rast nuk kam abuzuar me funksionin tim dhe nuk kam vepruar në kundërshtim me ligjin. Prokurori është prokuror, madje edhe kur bisedon me të dyshuarit në telefon”
Në letrën e saj publike Janeva i bën thirrje autoriteteve që të përfundojnë sa më shpejtë hetimet për çështjen Rektet.
Prokurorja Speciale e Maqedonisë së Veriut gjithashtu ka premtuar se sapo te zbardhet plotësisht kjo ngjarje do të ndjekë penalisht zyrtarë të qeverisë aktuale por edhe figura politike të qeverisë së ish kryeministrit Nikolla Gruevski.
Në fund të letrës Janeva ngre dyshime se ka njerëz te interesuar qe po tentojnë të njollosë emrin e saj dhe besueshmërinë e Prokurorisë Speciale . Ne video skandalin e publikuar nga gazeta italiane “La Verita”, shihet se sit ë akuzuarit tashmë të arrestuar për rastin Reket, Bojan Jovanovski i njohur me pseudonimin Boki 13, njëherësh pronar i një televizioni në Maqedoninë e Veriut dhe Zoran Milevski dalin nga shtëpia e biznesmenit Orce Kamçev, me një valixhe të mbushura me para. Shuma dyshohet se ishte marre ne këmbim te një premtimi për të ndërhyrë në prokurorinë special për të mbyllur çështjen e njohur si “perandoria” dhe për të liruar biznesmenin Orcev nga paraburgimi.
