Pogradeci hedh vështrimin drejt Kategorisë Superiore, duke e parë si një objektiv për këtë sezon.
Liqenorët fitojnë në transfertën e vështirë të Turbinës në Cërrik duke e mbyllur në krye të klasifikimit fazën e parë për grupin B të Kategorisë së Parë.
Ndeshja është vendosur nga një 11 metërsh i kthyer në golë nga ana e Jahajt në minutën e 79 të takimit.
Në këtë pikë, pogradecarët pas nëntë javësh të luajtura janë në vendin e parë në klasifikim me 19 pikë, një më shumë se Lushnja e vendit të dytë dhe dy më shumë se Apolonia.
Pas nisjes jo të mirë të sezonin, liqenorët bënë kthesën e menjëhershme në javën e tretë të kampionatit duke regjistruar më pas plot 6 fitore radhazi, duke parakaluar kështu lushnjarët në renditje.
Fitorja e fundit shton akoma edhe më shumë optimizmin dhe moralin në kampin liqenor që tashmë duket se janë plotësisht në garë për të kaluar në kategorinë e më të mirëve sezonin e ardhshëm.
