Një person ka rënë në pranga, pasi u kap në flagrancë në pikën kufitare të Kapshticës me 20 kg kanabis sativa. I arrestuari është Renis Kasapi nga Lushnja. Sipas policisë 32-vjeçari ishte ndaluar për kontroll në dogane, kur në automjetin e tij tip benz, u gjetën 40 pako të mbështjella me natriban, të fshehura në pjesën e poshtme të saj. Policia sekuestroi gjithashtu edhe 3 celulare, 1150 euro, si edhe makinën. Droga kishte si destinacion Greqinë.