Kapet vrasësi i vëllezërve

Pas dy ditë arratie dhe operacionit masiv të policisë ne malet e Drishtit, Esat Dushaj vrasësi i dyshuar i vëllezërve Shkami u arrestua ne hyrje të Tiranës. Nga të dhënat zyrtare mësohet se 30 vjeçari u ndalua ne sheshin “Shqiponja” teksa tentonte të hynte ne kryeqytet, aty ku dhe mund t’i shmangej më lehte forcave policore. Kërkimet e policisë për Esat Dushajn, u përqendruan për dy ditë radhazi ne fshatrat e thella të Drishtit dhe Mazrekut. Edhe pse për kapjen e tij u angazhua një helikopter, forcat speciale se bashku me repartin RENEA, mesa duket Dushaj e njihte më mirë terrenin. Ai arriti tu shpëtojë atyre madje dhe të largohet e të vijë fare pranë kryeqytetit. Ende nuk dihen rrethanat e arrestimit të tij, por zyrtarisht policia thotë se 30 vjecari u vetwdorezua, pasi mori garanci për jetën. Më herët Policia tha se Esat Dushaj, i njohur edhe si Aleksandër Dushaj, lëvizte i armatosur. Sipas banoreve te zonës familja Shkami nuk ka pasur konflikte, ndërkohe qe Dushaj njihej si problematik. Të shtunën e 2 janarit, 30 vjecari ekzekutoi me arme dy vëllezër Abdulla dhe Skënder Shkami, 50 dhe 40 vjeç, banorë të fshatit Drisht, ne Postribë të Shkodrës. Nga hetimet e deritanishme shkak i vrasjes është se një prej vëllezërve ka refuzuar krushqinë me fqinjin.