Një 34 vjeçar shqiptar ka rënë në prangat e policisë italiane, pasi akuzohet për shitje të lëndëve narkotike.
Sipas mediave italiane i ndaluari është shqiptari A.M 34 vjeç, banues në Firence, i cili u arrestuari duke shëtitur në qendër të qytezës së Pistoias.
Karabinierët kanë sekuestruar makinën e shqiptarit që ishte marrë me qira dhe në të kanë gjetur 10 mijë euro të gatshme. Paratë dyshohet se janë përfituar nga aktiviteti kriminal i trafikut të kokainës.
Më pas në shtëpinë ku banonte, në Firence, policia gjeti edhe materiale të cilat i duheshin shqiptarit për të kryer aktivitetin e jashtëligjshëm.
Ndërkohë në cilësinë e provës materiale janë sekuestruar nga policia peshore, kokainë dhe të tjera pajisje që duheshin për trafikim të lëndëve narkotike, por edhe 20 mijë euro të tjera.