Kapet me drogë me vlerën 4 milionë euro, arrestohet shqiptari në Itali

Një 31-vjeçar shqiptar është arrestuar nga policia italiane.

Sipas mediave të huaja, të riut i është gjetur 93 kilogramë kokainë me vlerë 4 milionë euro në apartamentin e tij në Seregno.

Operacioni ka nisur në kuadër të një hetimi për trafikimin e lëndëve narkotike, kryesisht në zonat e Milanos dhe Monza.

Shqiptari dyshohet se ka lidhje familjare me persona të përfshirë në hetime të tjera për trafikun e drogës në vitet e mëparshme. /vizionplus.tv