Një operacion antidrogë ka zbuluar 27 thasë kanabis ne Gjirokastër.
Sipas policisë janë sekuestruar 146 kg lende narkotike, e cila u gjet pasditen e te premtes, në fshatin Golem të Gjirokastrës. Droga ishte lënë në një ambient të hapur, ndërsa policia dyshon se ajo do të dërgohej drejt shtetit grek nëpërmjet kufirit tokësor. Autorët e kishin braktisur lëndën narkotike, pasi po ndiqeshin nga uniformat blu.
Për kanabisin e kapur, policia nuk ka arrestuar asnjë autor të mundshëm.
