4 persona u arrestuan nga policia e Tiranës gjatë operacionit antidrogë , të koduar me emrin “Orët e vona”.
Gjatë kontrollit të një lokali, uniformat blu gjetën dhe sekuestruan 12 doza kokainë.
Po gjatë këtij operacioni u sekuestruan edhe disa doza kanabis sativa ndërsa një nga të arrestuarit rezulton me precedent të theksuar kriminal dhe kishte thyer masën e sigurisë “arrest ne shtëpi”.
Edhe në Shkodër policia ndaloi një 28 vjeçar të kërkuar nga drejtësia italiane dhe një shtetas tjetër pasi në banesën e tij iu gjet municion luftakak, nje kallashnikov dhe disa fidanë të kultivuar cannabisi.
Prej disa ditësh policia e shtetit po zbaton një plan masash për kapjen e personave të shpallur në kërkim, si dhe mbajtjen nën kontroll të personave me precedent e profil kriminal.