Bulqizë, operacioni “Ballenjë-2019” vë në pranga 3 persona për kultivim lënde narkotike
3 persona u arrestuan nga Policia e Bulqizës me akuzën e kultivimit të bimëve narkotike.
Këta shtetas, po përgatiteshin për të mbjellë kanabis në malin e Ballenjës, njësia administrative Martanesh.
Për këtë arsye u organizua operacioni policor “Ballenjë-2019” , që arrestoi në flagrancë shtetasit :
A.Ll, 26 vjeç, banues në Mirditë.
K.H, 25 vjeç, banues në Tiranë.
O.K, 23 vjeç, banues në Tiranë.
Nga këqyrja e vendit të ngjarjes policia ka gjetur dhe sekuestruar në cilësinë e provës materiale :
- Një armë zjarri automatik model 56, me 30 fishek
- 1324 kubik(gota plastike), të mbjella të dyshuara me fara cannabis sativa
- Vegla pune, tuba plastike që do shërbenin për kultivimin në tokë të fidanëve që u gjetën në gotat plastike.
