Rezultati i zgjedhjeve për anëtar të Komitetit Ekzekutiv të Federatës Shqiptare të Futbollit, vazhdon të prodhojë polemika dhe mosnjohje të rezultatit. Ekrem Spahiu pretendon se ai duhet të ishte ne mesin e fituesve ne raundin e parë, pasi sipas votave të lexuara me zë, ai kishte marrë 32 vota, pra sipas rregullores më shumë se 50% të votave të nevojshme për të fituar. Spahiu pohon se ai kishte marrë po aq vota sa Vasil Bici, por ndryshe nga ky i fundit nuk u shpall fitues. Ish-kryetari i partisë Lëvizja e Legalitetit tha për Vizion Plus se kërkoi llogari pranë komisionit të votimit për këtë gjë, por ankesa nuk iu mor parasysh dhe se u kalua direkt ne raundin e dytë të votimit. Kjo është arsyeja pse ai ka kërkuar llogari pranë FSHF-se dhe pret që gjithçka të korrigjohet.
Ne raundin e parë të votimit për anëtar të Komitetit Ekzekutiv u përzgjodh 5 anëtarë, të cilët kishin marrë 50%+1 të votave të vlefshme dhe konkretisht Arben Dervishaj, Abdyl Kuriu, Fatbardh Jera, Lutfi Nuri dhe Vasil Bici ndërsa ne raundin e dyte dolën edhe 4 fitues te tjere të renditur sipas numrit të votave te grumbulluara, konkretisht Enkelejd Alibeaj, Edvin Libohova, Bardhyl Minxhozi dhe Kristian Gjikdodaj. Ky i fundit rrezikon mandatin nëse FSHF-ja i jep të drejte pretendimit të Ekrehm Spahias.
