Kandidati për kreun e PD tallet me Bashën: Kryeministri nuk largohet me thirrjet “Rama ik”
Kandidati për kreun e PD-së, Fatbardh Kadilli zhvilloi këtë të enjte një takim me demokratët e degës 2 në Tiranë.
Duke ironizuar Lulzim Bashës, ai tha se kryeministri nuk largohet duke thirrur “Rama ik”.
Ai shtoi se lideri demokrat u fokusua tek kauza të vogla, duke i quajtur “rastësore të gjetura në rrugë si sende”.
“Ai nuk largohet duke i thënë ‘Rama ik’, duhet të jemi ne të zotë të ngremë një baticë të madhe elektorale për ta përjashtuar atë nga pushteti. Nëse nuk e bëjmë dot këtë, nuk është faji i askujt, përveç liderit. Ndaj mora vendimin por të dalë këtu sepse e kam parë sesi e ka kuptuar gabim ai opozitën, ka shkuar drejt një opozite spontane me kauza që i gjen në rrugë si sende. Si Astiri, dializa, pse këto ishin hapësirat e vetme korruptive? Do kaloni mbi trupin tonë për të bërë këtë apo atë, me kauza të vogla. Opozita jep mbështetje morale por nuk mund të identifikohemi ne me kauza. I harxhon energjitë 1 vit e gjysmë me Astrin, ndërsa ata morën lekët në xhep e ikën se kishin ndërtime pa leje, kjo është të mos bësh kauza programore, por rastësore që mbyllen në mënyrë shumë të paqartë. Kjo është të konceptosh totalisht gabim”, tha ai.
