Kandidatët në listë dorëzojnë dorëheqjen nga mandati në KQZ

Kreu demokrat, Lulzim Basha së bashku me protestuesit ka marshuar në drejtim të Komisionit Qendror të Zgjedhjeve ku kandidatët e listave zgjedhore të opozitës do të depozitojnë tërheqjen nga mandati i deputetit.

Gjatë marshimit drejt KQZ, Basha shoqërohej nga drejtuesja e LSI, Monika Kryemadhi, Sekretari I Përgjithshëm I PD, Gazment Bardhi si dhe deputetët e opozitës apo dhe aleatët e tij.

Në hyrje të KQZ, protestuesit e opozitës u ndalën nga policia, ndërsa përfaqësuesit ligjor të opozitës së bashku me liderat u ngjitën drejt zyrave të KQZ ku depozituan refuzimin e mandatit nga kandidatët pasues të listave të opozitës.