Kamioncina merr përpara punëtoret në Gjirokaster, vdesin dy gra

2 gra kanë humbur jetën, ndërsa një tjetër mbeti e plagosur mesditën e kësaj të premteje në Gjirokastër.

Aksidenti ndodhi rreth orës 14:00 në fshatin Jorgucat të Gjirokastrës ku tre gra të cilat po ecnin anës rrugës u përplasën nga një kamioncinë.

Sipas policisë, kamionçina e cila vinte nga Kakavija udhëtonte me shpëjtësi.

Policia sqaron se 3 gratë sapo kishin mbaruar punën dhe ishin nisur për tek stacioni i autobusit.

Pas aksidentit ato janë dërguar me urgjencë për në spitalin rajonal të Gjirokastrës por  dy prej tyre nuk kanë mundur të shpëtojnë.

Gruaja e tretë  ndodhet në gjendje të rëndë për jetën.

Të aksidentuarat ishin punonjëse në fushat e rigonit në Lazarat..