Deputeti shqiptar në Parlamentin e Serbisë Shaip Kamberi tha se Beogradi zyrtar po ecën në gjurmët e Millosheviç.
Sipas tij, Serbia po tenton të ndërtojë në Ballkan standarte të dyfishta, ku nga njëra anë kërkon që pakicat e tyre në vendet e tjera të Ballkanit të zbatohen të drejtat e tyre, ndërsa pakicat shqiptare në territorin serb nuk u jep asnjë të drejtë, që u takon me ligj.
“Edhe nëse dikush e përdor nga ana e përfaqësuesve institucional, ato të nesërmen do të ndiqen nga gjykatat serbe për tu dënuar me dënime të ndryshme për përdorimin e simbolit, i cili është pjesë e pandashme e identitetit tonë.
Kjo dëshmon një politikë antishqiptare që Serbia e zbaton edhe pas Millosheviç. Serbia po tenton që në Ballkan të ndërtojë standarte të dyfishta duke kërkuar për pakicën e vet në Kosovë diçka që është mbi standartet ekzistuese të BE, mbi standartet që vetë ka mbi pakicat, ndërsa ne na mohoen të drejtat që kemi me ligj. Është paradoksale që në një moment kur Serbia shënon një ngritje të raporteve bilaterale me Shqipërinë, asaj t’i pengohet përdorimi i simboleve kombëtare shqiptare në Luginën e Preshevës, vetëm për faktin se është simbol i një shteti tjetër. Është simbol I një shteti miqësor, që po tentohet të krijohen raporte sa më të përafërta, por simbolet e tij në territorin e vet t’i pengojë”.
